நாராயண பலி பூஜை என்றால் என்ன?

நாராயண பலி பூஜை என்பது இயற்கைக்கு மாறான அல்லது அகால மரணம் அடைந்த ஆத்மாக்களின் விடுதலைக்காக (முக்திக்காக) செய்யப்படும் இந்துச் சடங்காகும். விபத்து, தற்கொலை, தொற்றுநோய் போன்ற சில நோய்கள், பாம்புக்கடி, நீரில் மூழ்குதல், கொலை, தீ விபத்து, சாபம் ஆகியவற்றால் இறந்தவர்களும் பெரும் பாவம் செய்தவர்களும் இதில் அடங்குவர். மறைந்த இவ்வாத்மாக்களின் நிறைவேறாத ஆசைகளை நிறைவு செய்து, அலைந்து திரியும் ஆத்மாக்களின் உலகமான பிரேத யோனியிலிருந்து முன்னோர்களின் உலகமான பித்ரு யோனிக்கு அவர்கள் சென்று இறுதியில் அமைதி அடைய உதவுவதே சடங்கின் நோக்கமாகும்.